DFA, GIKUMPIRMA NGA WALAY PILIPINONG NAMATAY SA DOUBLE QUAKE SA VENEZUELA

Gikumpirma sa Department of Foreign Affairs (DFA) nga walay Pilipino nga naangol o namatay sa duha ka kusog nga linog nga miigo sa nasud Venezuela.

Sumala DFA, nagpadayon kini sa pagmonitor sa sitwasyon pinaagi sa Embahada sa Pilipinas sa Bogota, Colombia, nga maoy nagdumala usab sa kahimtang sa mga Pilipino sa Venezuela.

Nakigkoordinar na usab ang embahada sa mga Pilipinong nagpuyo sa Caracas ug sa siyudad sa Barinas aron masiguro ang ilang kaluwasan.

Sa pagkakaron, wala pa makadawat ang DFA og report nga adunay Pilipinong naangol o namatay tungod sa maong mga linog.

Gitambagan usab sa ahensya ang mga Pilipino sa Venezuela nga magpabilin sa luwas nga dapit ug padayon nga sundon ang mga pahimangno sa lokal nga panggamhanan ug sa mga awtoridad.

Kahinomduman nga usa ka magnitude 7.2 nga linog ang miigo sa kasadpang bahin sa Caracas ug wala pa’y usa ka minuto ang milabay gisundan kini sa mas kusog nga magnitude 7.5 nga linog.

Sa pagkakaron, mokabat na sa 188 ka mga tawo ang namatay, kapin sa 1,500 ang naangol, ug gatusan ka mga building ang naguba tungod sa maong mga pagtay-og.

Tungod sa kusog sa mga linog, nagdeklara na og state of emergency ang gobyerno sa Venezuela aron mapaspasan ang pagresponde sa mga apektadong lugar.