Miabot na sa 4,490 ang ihap sa mga namatay tungod sa sunod-sunod nga linog nga miigo sa nasud Venezuela kaniadtong Hunyo 24, 2026.
Misaka og 150 ang death toll kaniadtong Domingo kumpara sa miaging Sabado, samtang kapin 16,000 na usab ang naangol sa maong panghitabo.
Sumala sa gobyerno sa Venezuela, kapin 19,500 ka indibidwal ang temporaryong nagpabilin sa mga evacuation camp human mawad-an og puloy-anan tungod sa kusog nga linog.
Gipahibalo ni National Assembly President Jorge Rodriguez, igsuon ni interim leader Delcy Rodriguez, nga magsugod ang gobyerno sa paghatag og mga apartment ngadto sa mga pamilyang naapektuhan ug nawad-an og balay sa umaabot nga mga semana.
Gikumpirma usab ni Foreign Minister Yvan Gil nga miabot na sa Venezuela ang aid shipment gikan sa Russia.Samtang, nagpadala usab ang Embahada sa Amerika og 100,000 ka aid kits ngadto sa mga apektadong komunidad.
