DAVAO CITY – Kinatibuk-ang 128 ka mga indibidwal ang nasikop sa otoridad sa milabay nga Marso 21 ug 22 sukad nga gipatuman sa dakbayan ang curfew.
Gawas sa nahisgutan nga ihap laing 52 usab ang pamultahon human nga nakasupak sa liquor ban sa dakbayan.
Subay sa record sa Davao City Police office, naka-rescue sab sila ug 17 ka mga minor de edad nga naglatagaw sa kadalanan bisan nga adunay curfew.
Sumala pa kang Capt. Rosario Aguilar, tigpamaba sa Davao City Police Office (DCPO) ang mga nakalapas gipailalom gilayon sa lecture kalabot sa bag-ong oras sa curfew ayha gipapauli sa ilang mga panimalay.
Mikabat sab sa 54 ka mga violators ang na-isyuhan ug citation ticket human nga nakalapas sa liquor ban.
Kahinumduman nga gipatuman sa milabay nga semana dinhi sa dakbayan ang rekomendasyon sa Regional Task Force COVID-19 nga regionwide curfew hours nga magsugod sa alas nuebe sa gabii hangtud alas singko sa buntag.
Samtang ang liquor ban, magsugod sa alas singko sa hapon hangtud alas otso sa buntag.
