DAVAO CITY – Nagpahimagno karon sa publiko ang Davao City Police Office may kalabutan sa pakig kita sa mga tawo nga sa social media o pinaagi lang sa text nakaila.
Matud pa sa mga awtoridad nga tungod sa maong platforms, daghan ang natala nga kasong rape.
Kana tungod giabuso sa mga tawong ilang nakaila pinaagi lang sa maong mga platforms.
Kahinumduman nga sa milabayng bulan lamang, nisaka ang natala nga kasong rape tungod sa pakig eyeball sa ilang mga textmates ug chatmates nga mga istranghero.
Sigon ni DCPO Spokesperson Maj. Teresita Gaspan nga ana 100 ka mga rape cases gikan Enero hangtod Agosto karong tuiga ang ilang natala kung diin 49 niini biktima sa ilang textmates ug uban pang online social media apps.
Sumala ni Maj. Gaspan, ang susamang panghitabo nagsilbing pahimagno sa tanan aron dili dayon masalig sa mga istranghero.
via || Bombo Bryan Chin Abe
