DAVAO CITY – Susama sa uban nga mga siyudad sa Davao region, nanawagan sab karon si Davao Oriental Governor Nelson Dayanghirang ngadto sa mga lumulopyo sa lalawigan nga motamud sa mga ipagulang pahimangno batok Corona virus disease (Covid-19) dungan sa ilang gipatuman nga community quarantine.
Sumala pa kang Gov. Dayanghirang nga sa kasamtangan, pabilin nga gawasnon ang lalawigan sa makamatay nga sakit apan kinahanglan nga mohimo ug mga lakang aron nga walay matala nga kaso sa lalawigan.
Gipasalig sab niini nga aduna na silay isolation facility nga gi-andam kun ugaling adunay pasyente nga mataptan sa nahisgutan nga lalawigan.
Nagpahimutang na sab sila ug checkpoints aron nga mapugngan ang pagsulod sa mga tawo nga gikan sa kasikbit nga rehiyon sa Mindanao dungan usab sa pagsugod karong adlawa sa pagpatuman sa regionwide lockdown sa region 11.
