DAVAO CITY- Nanawagan karon ang Davao Light and Power Company (Davao Light) ngadto sa mga nanag-iya ug billboard dinhi sa dakbayan nga ipasusi niini ang ilahang mga tarpaulins nga dili mangatanggal ug ipasalig nga dili kini makadikit sa linya sa mga kuryente aron nga maoy hinungdan sa power interruptions.
Kini ang gibutyag ni Davao Light Reputation Enhancement Department head Fermin Edillon nga sa karon naliglambigit na sa sila sa Office of the City Building Official (OCBO) aron nga pahinumduman ang tag-iya sa mga billboard dinhi sa syudad aron nga masuta ang integridad sa iahang mga billboard nga gitukod.
Gipasabot sa opisyal nga usa sa mga hinungdan sa mga matigayon nga unscheduled power interruption mao ang mga tarpaulin sa mga billboard nga matanggal ikabi kung adunay kusog nga hangit gumikan modikit kini sa linya sa kuryente.
Samtang ang uban nga billboard, guba sumala pa ang istruktura nga kini kung adunay daot nga panahon makahatod ug power interruption.
Usa sa gihimong ehemplo sa opisya ang nahitabo sa Buhangin nga adunay tarpaulin nga natanggal nga nipadulong sa linya sa kuryente sa DLPC.
Gikanayon sab sa opisyal nga gawas sa Billboard nga makahatod ug unscheduled power interruptions mao ang pagkatumba sa punuan sa kahoy, pagkatumba sa mga poste ug uban pa.
Samtang nanawagan sab sa publiko ang DLPC nga i-report gilayon kanila ang mga linya sa kurye nga anaa sa kilid sa sanga sa kahoy aron gilayon nga mahinluan ug malikayan niini ang unscheduled power interruption.
