DAVAO CITY – Gikanayon ni Davao de Oro Governor Jayvee Tyron Uy nga prayoridad nila nga hatagan og mga relief goods kadtong mga nawad-an og panginabuhian, mga negosyanteng nasirado gumikan sa gipatumang community quarantine ug mga tawo nga labing naapektuhan sa krisis nga hatud sa pagkuyanap sa coronavirus disease (Covid-19).
Sumala sa gobernador nga miabot na matud pa ang mga relief goods nga gipadala ni Davao City Mayor Sara Duterte-Carpio alang sa onse ka mga lungsod sa probinsya isip ayuda sa krisis nga nasinati sa kadaghanan gumikan sa Covid-19 pandemic.
Gikanayong aduna pa gihapoy pipila ka mga lungsod sa probinsiya ang wala nahatagan ug hinabang kini tungod nagpadayon pa gihapon karon ang gipahigayon nga repack ingon man pagbahin-bahin sa mga relief goods.
Hinuon aduna sumala pay gihulat pa nga hinabang ang probinsiya ug ilang paningkamutan nga mahatagan ang tanan nga mga residente.
