DAVAO CITY – Nagpaabot ug hinabang ang Davao City Social Welfare and Development Office sama sa pagkaon, tubig, panabton ug gamit pangtulog alang sa mga nasunogan sa St. John Bucana, Brgy 76-A, ning syudad.
Base sa datos gikan sa city government, muabot sa 169 ka mga pamilya gikan sa kwarenta ka mga nasunog nga mga panimalay ang kasamtangang nagpuyo sa duha ka evacuation centers.
Nagpaabot sab ug hinabang ang opisina ni 1st Dsitrict Congressman Paolo Duterte alang sa mga apektadong pamilya. Sumala sa CDDRRMO, walay natalang namatay o nasamdan sa nahitabong sunog kagahapon.
Apan gikabutyag sa buhatan nga nagkalisud ang mga bumbero sa pagresponde sa sunog gumikan sa kipot nga agianan ug gagmayng espasyo aron paluyohan sa mga fire trucks ang maong lugar.
VIA || Bombo LJ Florendo
