DAVAO CITY – Nahimong hisgutanan karun sa social media hilabi na sa mga dabawenyos kabahin sa post ni Davao City Mayor Baste Duterte sa iyang Facebook account mahitungod sa “tattoo” nga sumala pa sa pipila ka mga netizens posibling nagpa dungog-dungog ang alkalde ngadto kang First Lady Liza Marcos.
Sa post ni Mayor Duterte, makita ang hulagway sa Bisayan Pintados gikan sa Boxer Codex nga sumala pa, makita sa Pambansang Museo ng Pilipinas.
Samtang sa pikas bahin, gibutyag usab sa Philippine Cultural Education nga ang Boxer Codex nagsimbolo ug ‘beauty and fertility’ alang sa mga babae samtang nagsimbolo usab kini sa ‘bravery and fierceness’ alang sa mga lalaki.
Kahinumduman nga sa interview kang First Lady Liza Araneta Marcos, nagkanayon kini nga ang iyang mga anak puro mga buotan, dili gapang-dagmal, ug labaw sa tanan walay patik sa kalawasan nga daw dunay ginapadunggan.
