DAVAO CITY – Hangtud tuig 2023 na lamang mamahimong operational ang sanitary landfill sa Barangay New Carmen, Tugbok, ning dakbayan.
Gikanayon kana sa Davao City Environment and Natural Resources kon CENRO head Engr. Marivic Reyes.
Gumikan kana sa pagkab-ot sa lapas sa maximum capacity sa maong dumpsite.
Naghukom sab ang lokal nga panggamhanan nga palapdan kini pinaagi sa pagpalit ug dugang pang nuewbe ektarya nga luna apil ang pagdisenyo sa bag-ong porma sa City Engineer’s Office; o dili kaha, magtugod ug usa pa ka landfill sa laing lokasyon.
Aduna sab lakang nga mag-awhag sa matag barangay nga magmugna ug material recovery facilities kon MRFs alang sa basura nga pwede pang magamit.
Sa pagkakaron, 33 pa lamang ka mga barangay ang naay MRF facilities tungod sa kakuwangon sa luna nga mamahimong pagatukuran sa maong pasilidad sa mismong mga barangay.
Giawhag sab nila ang matag tagbalay nga magpahigayon ug composting aron mamenosan ang mga basura nga mabutang sa landfill.
VIA || Bombo LJ Florendo
