DAVAO CITY – Usa lamang ka barangay ang gitalang high risk sa COVID 19 mao ang Barangay Malagos, samtang dose pa ka mga barangay ang nahimutang sa moderate risk areas gikan Setyembre 26 hangtud Oktubre 1.
Mao ang mga barangay sa Angliongto, Sr., Baganihan, Matina Crossing, Mulig, Hizon Sr., 4-A, 7-A, 9-A, 13-B, 19-B, 20-B, ug 28-C.
Sumala sa records sa Davao City COVID-19 Task Force niaging Setyembre 11 hangyud 17,nakatala na ang dakbayan ug 436 ka mga bag-ong kaso nga mikunsad gamay gikan sa natalang 516 ka mga kaso niadtong Setyembre 4 hangtud 10.
Nahimutang gihapon sa 15% ang positibity rate sa dakbayan.
Sa pikas bahin, nanawagan ang tigpamaba nga si Dr. Michelle Schlosser nga taliwala pa man sa pagpagula sa Executive Order No. 43 nga nagtugot sa dili boluntaryong pag-sul ob ug face mask sa mga open spaces, ginaawhag gihapon ang katawhan nga magpabakuna ug magpa-booster kontra COVID 19.
Padayon gihapon ang City Health Office sa kampanya alang sa minimum public health standards ug libreng testing alang sa mga suspected cases ug close contacts.
via || Bombo LJ Florendo
