DAVAO CITY – Nagplano ang Davao City Transport and Traffic Management Office kon CTTMO nga mag organisa ug ikaduhang hugna sa libreng sakay gamit ang tulo ka mga bus nga gipanag-iyahan sa lokal nga panggamhanan sa syudad.
Gibutyag ni Dionisio Abude, hepe sa CTTMO nga ang LGU misaad nga gamiton una ang mga bus nga gipanag-iyahan sa lokal nga panggamhanan samtang nag paabot pa kun adunay kompanya sa bus ang mu-apply isip Peak Hours Augmentation Bus Service kon PHABS sa Cabantian, Buhangin ug Tibungco nga ruta.
Ang maong mga bus libreng ihanyag sa city government.
Sa pagkakaron, lima ka ruta ang kasamtangang gina-atiman sa PHABS, kana mao ang Lasang, Toril, Calinan ug Catalunan Grande.
Naghanyag usab og Libreng sakay ang Dumper Partylist sa mga estudyante kana kabahin usab sa PHABS alang sa rutang Toril, Calinan, ug Panacan.
Mubiyahe ang PHABS gikan Lunes hangtod Biyernes, sa alas-5 hangtod alas-8 sa buntag; ug gikan alas-5 sa hapon hangtod alas-8 sa gabii.
via || Bombo Bryan Abe
