Nagpahimangno karon ang grupong concerned citizen of Davao nga aduna’y pipila ka mga tawo nga nagtawag sa ilang kaugalingon nga “Philippine Anti-Corruption Czar (PACC)” ug nagpakita nga daw sila adunay gahum sa pagsusi sa korapsyon.
Gipaklaro sa maong grupo nga dili sumala pa sila kabahin sa gobyerno ug walay legal nga awtoridad sa pagbuhat sa mga butang nga ginabuhat sa tinuod nga ahensya sa gobyerno.
Sa Pilipinas, ilegal ang pagpaka-daw nga usa ka opisyal sa gobyerno o paglihok nga mura’g opisyal nga walay pagtugot.
Kini gitawag og usurpation of authority ug makahatag og seryosong legal nga problema.
Ang korte miingon nga bisan pa og ang usa ka tawo nag-angkon nga “nagtabang sa publiko,” ang pagpaka-murag opisyal supak gihapon sa balaod.
Nag-awhag usab kini ngadto sa katawhan nga kung duolon sa maong grupo, o kung mangayo sila og impormasyon, pabor, o kwarta, dili sumalapa magkooperar.
Ang tinuod lamang nga awtorisadong opisina mao ang anaa sa gobyerno sama sa Ombudsman, Commission on Audit, o hustong law enforcement agencies ang makapahigayon og imbestigasyon.
Pahimangno usab niini nga kanunay i-verify kung ang usa ka grupo opisyal ba nga giila sa gobyerno sa dili pa mo salig ngadto kanila.
Sa pagkakaron, wala pay tubag ang PACC kabahin sa maong pamahayag.
