Gikatakdang i-anunsiyo sa COMELEC ang kompleto ug pinal nga listahan sa mga accredited parties alang sa BARMM elections, apan wala pay insaktong petsa nga gitakda alang sa pagsulbad sa mga naka-pending nga mga aplikante.
Sa karon nagpadayon na ang BARMM electoral calendar, kung diin niadtong Abril 7 gitakda ang deadline sa pag-file sa accreditation o registration sa Regional Parliamentary Political Parties (RPPPs), gisundan kini niadtong Abril 29 pinaagi sa pagpahigayon ug panagtigum sa mga partido , samtang sa May 7, 2026, mahuman na usab ang filing sa certificates of candidacy
Apan, gikabutyag nga hangtud karon pabilin pang wala makakuha og pinal nga akreditasyon gikan sa Commission on Elections (COMELEC) ang United Bangsamoro Justice Party (UBJP) alang sa labing una nga Bangsamoro Parliamentary Elections sa Setyembre 14, 2026, hinungdan nga dili pa sigurado ang partisipasyon niini sa eleksyon sa rehiyon.
Kini gumikan kay hangtud karon, wala pa mopagawas ang COMELEC og pormal nga desisyon sa UBJP accreditation. Na-una na sumala pang gituman sa partido ang tanang mga rekisitos lakip na ang pagsubmiter sa gipanumpaan listahan sa mga authorized signatories ug uban obligasyon nga dokumento, apan nagpabilin lamang gihapon pending ang approval niini.
Kung magpabiin nga walay accreditation, dili pa mamahimong malakip ang UBJP sa official nga listahan sa political parties nga otorisadong mopasakop og mga kandidato sa taliabot nga piniliay sa BARMM.
Gikatakda sa Setyembre 14 ang BARMM elections, ang labing una nga parliamentary eleksiyon sa rehiyon kung diin magbaylo sa panggamhanan gikan sa appointed Bangsamoro Transition Authority ngadto na sa usaka fully elected 80-member parliament.
Ang maong eleksiyon ang nalantawan nga usaka labing dako nga kadaugan sa pagpatuman sa 2014 peace agreement tali sa kagamhanan sa Pilipinas ug sa Moro Islamic Liberation Front.
