Mipadayag og suporta si aktres Claudine Barretto kang Sen. Robin Padilla ug sa asawa niini nga si Mariel Padilla, human mouyon sa karaang pahayag ni Mariel nga “more than qualified” si Robin isip senador.
Gipaambit ni Barretto sa iyang Facebook page ang pahayag ni Mariel niadtong 2022 bahin sa kwalipikasyon ni Robin, diin gihisgutan ang iyang degree sa criminology ug kasinatian sa paghimo og mga balaod.
Gipakita ni Barretto ang iyang pag-uyon pinaagi sa pulong nga “True” ug gitag usab niini si Mariel.
Gisuportahan usab sa aktres ang pagpatin-aw ni Mariel nga wala niya tuyoa nga ipasabot nga si Robin mismo ang naghimo ug mipasar sa Republic Act No. 8294.
Sa pagkakaron, padayon ang diskusyon sa social media bahin sa maong karaang pahayag ug sa kwalipikasyon ni Robin isip senador.
Wala pa adunay dugang nga pahayag gikan kang Robin bahin sa pinakabag-ong suporta nga gipadayag ni Barretto. | VIA BOMBO EROS PAJOTA
