Giawhag karun sa buhatan sa City Planning Development ang kapin 450,000 ka mga panimalay sa dinhi sa dakbayan nga musalmot sa ipahigayong Earth Hour karong umalabot nga adlawng Sabado, Marso 23, pinaagi sa pagpalong sa suga sulod sa usa ka oras.
Tuyo ug tumong niini mao ang aron makunhuran ang carbon emission o aso nga makadaut sa hangin ug pag-atiman sa palibot.
Gibutyag ni Errol John Denosta, ang opisyal sa maong buhatan, nga kinahanglan gayud nga masabtan sa publiko ang epekto sa climate change ug lakip na sab nga maghimo og mga lakang aron nga mapakgang kini.
Gihisgutan usab niya ang mga pamaagi sama sa pagtanom og kahoy ug paggamit sa renewable energy. Nagdahom ang maong opisyal nga daghan pang mga Dabawenyo ang musalmot ug madugang sa ilahang responsibilidad ngadto sa kinaiyahan ug katilingban.
