DAVAO CITY – Pabiling wala makadawat ang City council secretary ug tubag gikan sa Office of the President labot sa resignation letter nga gipadala ni Davao City Vice Mayor Paolo Duterte niadtong bulan sa Disyembre.
Gikanayon ni Sangguniang Panglungsod (SP) Secretary Charito Santos, magpadayon si councilor Bernard Al-ag nga magsilbi isip acting vice mayor sa syudad hangtud nga dawaton sa presidente ang resignation letter sa besi mayor.
Dugang pa ni Santos nga sa higayong dili aksyunan sa Presidente sulod sa 15 working days ang resignation sa besi mayor human niya kini madawat, makonsederang approved na kini.
Karong adlawa, Enero 4 mao na ang ika-lima ka adlaw human nasubmitar ni Polong ang iyang resignation letter.
Kahinumduman, gi-anunsiyo ni Polong ang iyang resignation niadtong Disyembre 25, 2017 atol sa special session sa city council.
Na-una na usab nga gikanayon ni mayor inday sara nga gipadala na ni Polong ang letter ngadto sa Office of the President niadtong Disyembre 26, 2017.
