Gitawag sa Chinese Embassy nga “squid tactics” ang pahayag ni Defense Secretary Gilbert Teodoro Jr. human niya akusahang mura nang public relations firm ug abogado ni businessman Tony Yang ang embahada.
Matod ni Chinese Embassy spokesperson Ji Lingpeng, imbes tubagon ang mga pangutana, nagpagawas kuno si Teodoro og baseless ug sensational allegations batok sa embahada.
Dugang pa, gipasiugda sa Chinese Embassy nga angay tahuron ang rule of law ug desisyon sa Department of Justice nga nagbasura sa mga kaso batok sa pipila ka Chinese workers sa Sanjia Steel Corp. sa Misamis Oriental.
Apan gibarugan ni Teodoro nga mura nang “nagla-lawyer” ang embahada alang kang Yang ug dili angay maghatag og legal advice kung dili awtorisadong legal practitioner.
Sumala pa sa embahada, obligasyon nila nga panalipdan ang ilang mga lungsoranon batok sa walay basihang akusasyon.
Sa pagkakaron, nagpadayon ang binayloay sa pahayag samtang gihagit sa Chinese Embassy si Teodoro nga magpakita og ebidensya sa iyang mga alegasyon. | VIA BOMBO EROS PAJOTA
