Gipahibalo ni U.S. President Donald Trump nga iyang gipalugwayan ang ceasefire sa Iran human makahinabi ang Pakistan, samtang gihulat pa ang usa ka “unified proposal” gikan sa Tehran.
Sumala kang Trump, magpadayon ang extension sa ceasefire hangtod makasumite ang Iran sa ilang proposal ug mahuman ang negosasyon.
Bisan paman niini, nagpabiling walay kasiguruhan ang kahimtang sa kalinaw samtang hapit na matapos ang duha ka semana nga ceasefire.
Nagduhaduha pa ang Iran kung moapil ba kini sa sunod nga negosasyon, ug gibutyag ang giingong “unacceptable actions” sa Amerika, lakip ang padayon nga blockade sa Strait of Hormuz.
Gikansela usab ni U.S. Vice President JD Vance ang iyang planong pagbisita sa Pakistan alang sa ikaduhang hugna sa negosasyon, samtang ang ubang opisyal sa U.S. padayon pang nagkonsulta kung unsaon pagpadayon sa peace talks.
Samtang, nagpadayon ang paningkamot sa Pakistan aron mapalapit ang duha ka panig ug malikayan ang pagbalik sa gubat.
Sa pagkakaron, abri pa ang posibilidad sa bag-ong negosasyon o sobrang pagsilaob sa tensyon, samtang gihulat ang desisyon sa Iran ug Estados Unidos.
