-- ADVERTISEMENT --
- Nagpasidaan ang Office of Civil Defense (OCD) niadtong Domingo sa posibilidad sa pag-ulan sa abo human natala ang pagbuga og abo gikan sa Bulkang Mayon sa Albay mga alas-5:19 sa hapon.
- Sa usa ka post sa Facebook, gipaambit sa Philippine Institute of Volcanology and Seismology (PHIVOLCS) ang gipaspas nga kuha sa kamera nga nagpakita sa nahitabong pagbuga sa abo gikan sa bunganga sa tumoy sa bulkan.
- Matod sa ahensiya, mikabat sa 300 metros gikan sa bunganga sa tumoy sa Bulkang Mayon ang gihaboy nga abo sa wala pa kini maanod sa hangin paingon sa amihanan-amihanan-sidlakan.
- Nakit-an ang maong panghitabo sa mga kamera nga gibutang sa Mayon Volcano Observatory sa Ligñon Hill, Mayon Rest House, ug Ligao Observation Station.
- Matod sa PHIVOLCS, nagpabilin sa Alert Level 2 ang Bulkang Mayon.
- Hugot usab nga gidili ang pagsulod sulod sa unom ka kilometros nga Permanent Danger Zone (PDZ) palibot sa bulkan tungod sa padayon nga peligro nga dala sa aktibidad niini.
