DAVAO CITY – Gipailalom na sa state of calamity ang lungsod sa Cateel, Davao Orriental homan kini ang naigo sa tubig-baha gumikan sa low pressure area nga mihatod ug grabeng pag-ulan.
Mihatod usab ug hinabang ang lokal nga kagamhanan sa mga biktima sa pagbaha nga nanimuyo sa nagkadaiyang barangay sa nahisgutang lungsod.
Nasayran nga usa ka tigulang nga lalaki ang nakabsan sa kinabuhi gumikan sa kalit nga pagbaha, ug wala usab naapas sa paghakot ang mga nahimong biktima aron dad-on sa evacuation area.
Naguba ang kanal sa irigasyon sa Brgy Alegria ug grabeng damyos sa agrikultura ug inprastraktura ang nahitabo.
Gipaningkamutan na lamang sa mga mag-uuma nga ma-harvest ang mga humay nga nahimong salin sa pagbaha sa lungsod sa Cateel, Davao Orriental.
