Nagpahayag si Ako Bicol Partylist Rep. Alfredo Garbin Jr. nga nakigkontak na siya sa pamilya ni Elizaldy Co human sa pagkadakop niiini sa Czech Republic. Kini misunod sa pahayag ni Ferdinand Marcos Jr. nga nahuman na ang pagtago sa kanhing mambabalaud human kini maaresto sa mga otoridad sa maong nasud.
Sumala pa kang Alfredo Garbin Jr., sa pagkakaron wala pa siyay nadawat nga konkretong detalye gikan sa pamilya ni Elizaldy Co kabahin sa kahimtangan ug legal nga status niini.Dugang pa niini, gipasiugda ni Garbin nga daghan pa ang angay ipadayag ni Co, ilabi na kon hatagan kini og hustong proseso ubos sa balaod.
Subay sa iyang pahayag, naglaum siya nga makapamulong si Co kabahin sa mga giingong maanomalyang proyekto sa flood control bisan pa sa nagpadayon nga tensyon sa politika.Sa kasamtangan, gitinguha usab ni Garbin nga personal nga makontak ang pamilya ni Co aron masuta kung kini ba karon nakakulong, naaresto, o naggamit og legal nga paagi aron malikayan ang pagpauli sa Pilipinas.
Gipahayag usab niya ang pagsalig nga mapamatud-an ni Co ang mga naunang pahayag niini nga gipagawas pinaagi sa mga video.Samtang niini, naglaum si Garbin nga hatagan sa gobyerno og igong seguridad si Co aron makaatubang sa mga legal nga proseso ug matugkad ang tinuod nga kahimtangan sa mga isyu.
