DAVAO CITY – Gipa-ilalom na state of calamity ang Caraga Davao Oriental gumikan sa nasinatiang Cholera outbreak.
Sa Pinaka-ulahi nga record moabot na sa 547 ang mga biktima, 34 ang kasamtangang naka-admit sa ospital, 6 ang patay, 229 ang na-discharge ug 293 ang naa sa makeshift hospital.
Samtang, naa nay tulo ka mga dapit nga natumbok ang lokal nga kagamhanan sa munisipyo sa Caraga, Davao Oriental alang sa ipahimutang nga mga water feltration system o mga purifiers sa nahisgutang dapit.
Gikanayon ni Dr Ruben Bersaldo, ang Davao Oriental Provincial Health Officer nga magsilbi lamang kining short term solution aron masulbad ang problema labot sa kontamidaong tubig sa nahisgutang lugar.
Gikanayon ni Dr Bersaldo, gisugdan na nila ang pagbutang ug water filtration system sa mga purok nga grabeng naapektuhan sa cholera outbreak sa Brgy Santiago nga gilangkuban sa Purok Lower mansanas, Atipo ug Molave.
Duha ka mga tangke ang ibutang sa Lower Mansanas. Samtang, padayon usab nga gipahigayon ang house-to-house monitoring aron masuta ang kahimtang sa mga residente.
Sa pikas bahin, gikumpirma ni davao Oriental governor Nelson Dayanghirang nga for bidding na ang water reservoir project nga ipahimutang sa Caraga isip hulip sa daan nga water reservoir nga adunay pondo nga 20 million pesos.
