Gipagawas sa Bangko Sentral ng Pilipinas (BSP) ang forecast nga nagbanabana nga ang inflation sa Hunyo 2026 mahimong mosangko tali sa 6 hangtod 7 porsiyento. Sumala pa sa BSP, makatabang sa pagpaubos sa inflation ang pagkunhod sa presyo sa lokal nga lana ug sa pipila ka batakang pagkaon sama sa bugas ug karne.
Apan, gilauman usab ang pagsaka sa bayranan sa kuryente ug presyo sa mga utanon nga posibleng mopataas pag-usab sa inflation. Dugang pa niini, gipadayag sa BSP nga nagpadayon kini sa pagmonitor sa pinakabag-ong datos sa inflation ug economic growth, lakip na ang mga kalamboan sa Middle East nga mahimong makaapekto sa presyo sa lana ug sa kinatibuk-ang ekonomiya.
Kahinumduman, base sa datos sa Development Budget Coordination Committee (DBCC), nagpabiling taas ang inflation karong tuiga, apan gilauman nga mokunhod kini ngadto sa 4% hangtod 5% sa 2027, sa dili pa mobalik sa target nga 2% hangtod 4% sa BSP sa tuig 2028.
