DAVAO CITY – Gikanayon ni Davao City Covid-19 spokesperson Dr. Michelle Schlosser nga hatagan sab karun ug prayoridad sa lokal nga kagamhanan ang mga empleyado sa BPO (Business Process Outsourcing) companies alang sa ipahigayon nga mobile vaccination sa booster doses.
Sumala sa opisyal nga dad-on sab nila ang mobile vaccination sa nahisgutan nga buhatan ingon man sa uban pang mga private establishments arun nga musaka pa ang ihap sa mga indibidwal nga makapailalom sa booster shot.
Gikanayong atol sa gipahigayon nga tigum sa BPO firms, nasayran ni Schlosser nga sagad sumala pa sa mga empleyado sa nahisgutan nga buhatan ang nagbutyag nga dili na sila magpa-booster shot gumikan kay fully vaccinated na matud pa sila batok covid-19.
Gipaminaw sab sumala pa karun sa Covid-1 task force ang sugyot ug rekomendasyon sa mga BPO companies arun masiguro nga hapsay ang ipahigayon nga roll out ngadto sa ilang mga empleyado ingon man rollout sa booster doses.
Kahinumduman nga una na sba nga gibutyag sa lokal nga kagamhanan nga magpahigayon sab sila ug vaccination sa booster doses sa mga empleyado sa pampublikong buhatan sa siyudad.
