Gibombahan og water cannon sa duha ka higayon og giipit pa sa China Coast Guard 3302 ang BFAR vessel nga BRP Datu Pagbuaya samtang nagpahigayon og routine maritime patrol uban ang PCG sa vicinity niini sa Bajo de Masinloc, aron nga suportahan ang mga Pilipinong mananagat nga nagapangisda sa maong dapit.
Gikompirma kini ni PCG Spokespersnon for the West Philippine Sea (WPS) Comm. Jay Tarriela pinaagi sa iyahang social media account, diin atol sa maong operasyon, nakaengkwentro ang mga barko sa Pilipinas og mga agresibong lakang gikan sa upat ka mga China Coast Guard vessels ug duha ka People’s Liberation Army Navy.
Nahitabo sumala pa ang unang pagpamomba og tubig sa CCG ngadto sa BRP Datu Pagbuaya, kagahapong adlawa, mga pasado alas 6:30 ang takna sa buntag.
Nunot pa man sa maong insidente, gipakusgan sab sa PCG ug BFAR ang ilahang commitment aron nga protektahan ang mga katungod ug kaluwasan sa mga Pilipinong mananagat nga subay sa sulod sa hurisdiksyon sa nasud.
Ipadayon sab matud pa nila ang mahimong mabinantayon sa pagpanalipod sa National interest niini sa West Philippine Sea.
