Usa ka 19-anyos nga batan-on sa Espanya nga giila nga si Llorenç Soler Adrover ang bag-ong Guinness World Record holder human makatanom og higanteng cantaloupe melon nga mitimbang og 31.44 kilos, mas bug-at pa kaysa sa kasagarang washing machine.
Gipresentar ang iyang tinanom atol sa Rufino Pineda Mendoza Watermelon and Melon Competition sa Villanueva de la Serena, Espanya niadtong 2023.
Ang melon mas bug-at pa sa usa ka 8-anyos nga bata o usa ka hamtong nga Golden Retriever, ug nakalabaw kini sa daang record nga 30.47 kilos nga gitala pa niadtong 2019.
Matod ni Llorenç, dako kini nga personal nga kalampusan ug gilauman niyang mahimong inspirasyon sa uban pang kabatan-onan aron mas mapangga ug tagaan bili ang agrikultura, ug padayon nga mangandoy sa kaugalingong kalampusan.
