-- ADVERTISEMENT --
Padayong ginabantayan sa mga otoridad ang tropical depression nga “Haishen”, nga sa pagkakaron nagpabilin pa sa gawas sa Philippine Area of Responsibility (PAR). Sumala pa, ang sentro sa bagyo katapusang namatikdan sa gilay-on nga 1,205 kilometro sa sidlakan sa Eastern Visayas.
Matod pa, ang “Haishen” adunay kusog sa hangin nga 55 kilometro matag oras duol sa sentro ug pagbugso nga moabot sa 70 kilometro matag oras.
Dugang pa niini, nagalihok ang bagyo paingon sa kasadpan-amihanan sa gikusgon nga 10 kilometro matag oras.
Sa pagkakaron, padayon nga gimonitor sa mga awtoridad ang lihok ug kalamboan sa maong tropical depression aron masuta kon adunay posibleng epekto niini sa nasud sa mosunod nga mga adlaw.
