DAVAO CITY – Nagkaguliyang ang mga tawo nga anaa sa palibot sa Sangguniang Panlungsod building kaganihang buntag gumikan sa namatikdang bag nga matud pa nahabilin.
Dungan niini, paspas nga miresponde ang Explosive Ordnance and Disposal technicians sa Davao City Police Office aron i check ang nahisgutang bag alas 9:30 kaganinang buntag.
Hinuon hingpit nga gideklara sa kapulisan nga clear ang area human makompirma nga ang nabilin nga bag ang walay unod nga bisan unsa mang mga eksplosibo o mga kahimanan sa paggama og bomba ug bugtong mga sinina ug mga personal nga gamit lamang sa wala pa mailhing tag iya niini.
Nanawagan na lamang karon ang otoridad nga kung aduna may makit-an nga katahapang butang o gamit ilabina na nga gibilin lamang sa pampublikong lugar, mamahimong ipahibalo gilayon kini sa kapulisan aron nga mahatagan og hinanaling aksyon.
