DAVAO CITY – Naduso na ang reklamo batok sa usa ka babaye nga gikanayong nalambigit sa illegal nga druga ug robbery incident.
Kahinumduman nga nasikop sa mga operatiba sa Santo Tomas Municipal Police Station sa Davao del Norte ang suspek nga nailang si Janeth Capuli Sevillano, 4a anyos, residente sa Purok 7, Feeder Road 2, Barangay Tibal-og, Santo Tomas, Davao del Norte.
Sumala kang Santo Tomas Municipal Police Station commander Major Rodante Varona, gisikop si Sevillano ug narekober sa iyang posisyon ang mga pakete sa illegal nga druga nga mukantidad ug P1, 033.60 sa gikasa nga operasyon sa Purok 6-C, Feeder Road 2 sakop sa nahisgutan nga barangay.
Nasayran sab nga dili residente sa nahisgutan nga dapit ang dinakpan ug subject lamang kini sa operasyon gumikan sa ilang nahipus nga impormasyon sa mga illegal nga aktibidad nga gikalambigtan sa dinakpan.
Migula sab sa imbestigasyon nga online seller ang dinakpan hangtud nga gi-alarma ang kapulisan sa modus sa suspek human ang sunod-sunod nga robbery incidents sa poblacion.
Una ng nag-viral sa social media ang hulagway sa dinakpan samtang sakay sa pink nga motorsiklo ug migula nga usa ka attempted robbery ang nahitabo nga nakuhaan pa ug Closed-circuit television (CCTV).
Nagpabilin karun sa kustodiya sa Santo Tomas PNP ang dinakpan ug naghulat na lamang kini sa mosunod nga kamandoan sa korte sa kaso nga giduso batok kaniya.
