Usa ka B-52 Stratofortress sa United States Air Force ang gikatahong nahagsa dihang bag-o pa lamang kini nakalupad gikan sa Edwards Air Force Base sa California, hinungdan sa dakong emergency response.
Sa mga hulagway ug bidyo gikan sa lugar, makita ang baga nga itom nga aso nga misaka ibabaw sa disyerto nga airfield samtang nagdali ang mga emergency crew ngadto sa nahitaboan.
Giingong nagkatag usab ang mga debris sa eroplano sa halapad nga dapit duol sa base.
Wala pa makapagawas og impormasyon ang mga awtoridad bahin sa gidaghanon sa mga tripulante nga sakay sa eroplano ug sa ilang kahimtang. Wala pa usab mahibaloi ang hinungdan sa aksidente.
Gisiguro sa mga opisyal sa militar ug emerhensya ang lugar samtang gilauman nga sugdan ang imbestigasyon aron matino ang tinuod nga hinungdan sa insidente.
Sumala sa taho, nahagsa ang multi-engine strategic bomber alas 11:20 sa buntag, pipila lamang ka gutlo human kini milupad gikan sa airfield. Wala pa usab kumpirmasyon kung adunay mga naluwas sa mga sakay niini.
