DAVAO CITY- Gitubag na ni Atty. Israelito Torreon, KOJC legal counsel ang kalabot sa gipagawas nga pamahayag ni Sen. Risa Hontiveros nga kinahanglang walay special treatment kay Pastor Apollo Quiboloy.
Sa maong pamahayag gitawag usab ni Hontiveros si Pastor Quiboloy nga ‘entittled’ ra kaayo ug matud pa wala na sa lugar ang paghangyo niini nga ihospital arrest kini dinhi sa dakbayan sa dabaw.
Sumala pa ni Atty. Torreon nga basin daw na-mis-inform lamang si Senator Risa Hontivers gumikan wala matud pa sila nagrequest nga i-hospital arrest ang maong pastor dinhi sa dakbayan sa dabaw.
Pagpasabot pa niini nga ‘alternative motion’ lamang sa kampo ni Quiboloy ang ‘motion for hospital arrest’ ug dili matud pa kini dinhi sa dabaw.
Dugang pa niini nga ilaha kining gibuhat gumikan sa delikadong panglawas nga kondisyon sa maong pastor ug sumala pa tiguwang na kini siya.
Apan kini nga lakang ang matud pa hangyo nila ngadto sa korte nga basin mamahimo matud pa nga tugutan gumikan naluoy sila nga anaa sa medyo gamay ug medyo kulang matud pa ang bentilasyon sa kulungan niini ug dako matud pa ang posibilidad nga mas mugrabe pa ang kondisyon niini.
Dugang pa ni Atty. Torreon nga daw na mis-interpret kini ni Sen. Hontiveros ug ug kini ang usa lamang ka motion o hangyo lamang nga matud pa halos tangang mga adunay kaso sa Pilipinas ang susamang nagabuhat.
Kahinumduman nga nagkanayon usab ang maong senador atol sa pamahayag niini nga wala matud pay katungod ang maong pastor nga mamili og asa niini buot nga ma-detain.
Dugang pa niini nga wala na ang maong pastor sa ‘King Dome’ maong dili matud pa magpaka-Ginoo ang maong pastor.
