Nakatala ang Armed Forces of the Philippines (AFP) og pinakadaghang gidaghanon sa mga barko sa China nga namonitor sa West Philippine Sea.
Base sa monitoring sa Philippine Coast Guard (PCG), adunay 56 ka China Coast Guard (CCG) ug People’s Liberation Army Navy (PLA-N) vessels nga namonitor niadtong milabay nga bulan sa Agosto.
Sa Bajo de Masinloc usab ang pinakadaghan og presensya Chinese vessels, diin adunay 23 ang namonitor, lakip ang 14 ka CCG ug 9 ka PLA-N ships.
Misunod niini ang Ayungin Shoal nga adunay 18 ka barko, samtang 9 ka Chinese vessels ang namonitor sa Escoda Shoal.
Gipunting ni AFP spokesperson for the West Philippine Sea nga si Retired Rear Admiral Roy Vincent Trinidad nga nakatutok ang ilang binulan nga monitoring aron ipahibalo sa publiko nga nagpadayon ang giingong iligal nga presensya sa mga barko sa China.
