Nagsumpay og memorandum of agreement ang Aboitiz Group ug ang City Government of Davao aron mapalig-on ang disaster preparedness, response ug resilience sa siyudad.
Apil sa Aboitiz Group ang Davao Light, Hedcor, Therma South ug Apo Agua nga mipasalig sa pagsuporta sa mga programa ug operasyon sa City Disaster Risk Reduction and Management Office o CDRRMO.
Pinaagi sa Project R.I.S.E. o Resilience, Innovation, Safety & Empowerment Davao, maghatag ang grupo og drones ug internet connectivity aron makatabang sa mas paspas nga pagtubag panahon sa emerhensya.
Ang mga drone gamiton sa CDRRMO sa dali nga pag-assess sa mga apektadong lugar panahon sa baha, landslide, linog ug uban pang kalamidad.
Samtang, ang internet connectivity makatabang sa mas paspas nga pagpaambit sa impormasyon, koordinasyon sa mga responder ug pagdesisyon atol sa operasyon sa yuta.
Gilauman nga ang maong inisyatiba makapalig-on sa kahandaan sa Davao City batok sa nagkalain-laing hulga ug kalamidad. | VIA BOMBO EROS PAJOTA
