-- ADVERTISEMENT --

Nagpahigayon og legal ug medical mission sa Barangay Tamugan, Davao City karong Sabado, Nobyembre 21, 2026, aron makahatag og libreng serbisyo ngadto sa mga residente.

Sumala kang Barangay Captain Ronilo Celez, gisuportahan ang maong kalihukan sa Integrated Bar of the Philippines-Davao Chapter, Department of Family and Community Medicine ug Philippine Pharmacists Association.

Lakip sa mga serbisyong gitanyag ang libreng medical check-up ug physical therapy, ingon man ang paghatag og libreng tambal.

Pinaagi sa maong kalihukan, nakadawat og legal ug medikal nga tabang ang mga residente sa barangay nga walay bayad.