Nagpahimangno ang Department of Health o DOH sa publiko nga mag-amping batok sa mga sakit nga mahimong resulta sa grabeng kainit sa panahon tungod sa padayong epekto sa El Niño.
Sumala sa ahensya, mas taas ang risgo sa heat-related illnesses sama sa heat exhaustion ug heat stroke tungod sa taas nga temperatura ug alinsangan.
Giawhag ang publiko nga regular nga moinom og igo nga tubig bisan wala pa mobati og kauhaw aron malikayan ang dehydration.
Gipahimangnoan usab ang mga tawo nga limitahan ang pag-inom og mga ilimnong adunay caffeine, taas og sugar content ug alkohol kay makapadali kini sa pagkawala sa tubig sa lawas.
Gipasiugda sa DOH nga importante ang dugang nga pag-amping aron mapanalipdan ang panglawas samtang nagpadayon ang grabeng kainit nga nalambigit sa El Niño.











