-- ADVERTISEMENT --

Nasakpan sa inspeksyon sa Department of Energy-Mindanao ang 101 ka gasolinahan sa rehiyon nga wala mosunod sa duha ka sunod-sunod nga gimando nga pagpaubos sa presyo sa mga produktong petrolyo.

Nalambigit ang maong pagmonitor sa pagpatuman sa mga lakang ubos sa gideklarang State of National Energy Emergency.

Matud sa DOE-Mindanao, nagpagawas dayon ang ilang Mindanao Field Office og Show Cause Orders o SCOs ngadto sa mga gasolinahan nga nasuta nga wala motuman sa rollback.

Pinaagi niini, gimandoan ang mga establisemento nga mopasabot kon nganong napakyas sila sa pagpatuman sa gikinahanglang pagpaubos sa presyo.

Gipasabot sa ahensya nga kabahin sa hustong proseso ang paghatag og higayon sa mga gasolinahan nga motubag sa mga nakitang paglapas sa dili pa magdesisyon sa angay nga administratibong aksyon.

-- ADVERTISEMENT --