Nadakpan sa kapulisan ang usa ka giingong drug suspect atol sa buy-bust operation nga gipahigayon sa lungsod sa Mawab, Davao de Oro.
Gipangunahan sa Mawab Municipal Police Station ang operasyon, uban sa koordinasyon sa Provincial Drug Enforcement Unit ug Philippine Drug Enforcement Agency (PDEA) Region XI.
Nakumpiska sa operasyon ang pipila ka heat-sealed plastic sachet nga adunay sulod nga gituohang shabu, lakip ang uban pang mga butang nga may kalabotan sa ilegal nga transaksyon sa droga.
Giatubang sa nadakpan ang kasong paglapas sa Republic Act 9165 o Comprehensive Dangerous Drugs Act of 2002.
Gidala ang suspek ug ang mga nakumpiskang ebidensya sa Mawab Municipal Police Station alang sa dokumentasyon ug hustong disposisyon, samtang giandam na ang mga dokumento alang sa pagsang-at sa tukmang kaso.
Padayon usab ang kapulisan sa ilang operasyon batok sa ilegal nga droga aron mapugngan ang kalihokan niini ug mapadayon ang kalinaw ug seguridad sa probinsya.
