Gipaagi sa pagbansay militar ni Ethiopian Prime Minister Abiy Ahmed ang tanang miyembro sa iyang gabinete ug pipila ka taas nga opisyal sa gobyerno.Lakip sa miapil sa maong pagbansay sila si Speaker of the House of Federation Muferiat Kamil, Finance Minister Fitsum Assefa, ug Health Minister Mekdes Daba.
Sumala kang Ahmed, gitumong sa maong pagbansay nga mapalig-on ang pisikal nga kahimsog, maayong pamatasan ug kahibalo sa mga opisyal aron mas maandam sila sa pagtuman sa ilang mga katungdanan.
Dugang pa sa Punong Ministro, importante ang disiplina militar sa pagpalambo sa disiplina sa kaugalingon, gugma sa nasud, panaghiusa, pag-angkon sa responsibilidad ug abilidad sa pagpangulo.
Gihimo ang maong pagbansay taliwala sa nagpadayon nga mga problema sa seguridad sa Ethiopia, lakip ang panagsangka sa amihanang rehiyon sa Tigray, kagubot sa Amhara ug kawalay kasigurohan sa Oromia.
Nagpabiling hagit sa nasud ang maong mga kagubot nga nakaapekto sa seguridad ug kalinaw sa nagkalainlaing rehiyon sa Ethiopia.
