-- ADVERTISEMENT --
- Naghatag ang Department of Agriculture (DA), pinaagi sa Bureau of Fisheries and Aquatic Resources (BFAR), og mga kagamitan nga nagkantidad og P34.66 milyon alang sa deep-sea seaweed farming sa Zamboanga Peninsula aron mapataas ang produksiyon, madugangan ang kita sa mga mangingisda, ug mapalig-on ang posisyon sa nasud sa global trade.
- Gikanayon ni Agriculture Secretary Francisco P. Tiu Laurel Jr. nga kinahanglan mapataas ang produksiyon aron hingpit nga mapahimuslan sa mga komunidad sa kabaybayonan ang mga oportunidad sa merkado, ilabina sa komersiyal nga pagpananom sa red seaweed sama sa Kappaphycus.
- Gitunol ang 29 ka seaweed nursery system nga naggamit sa balsa o raft method sa Zamboanga del Sur niadtong Oktubre 13, Zamboanga Sibugay niadtong Oktubre 15, Zamboanga City niadtong Oktubre 20, ug Zamboanga del Norte niadtong Oktubre 22.
- Ang matag set nga nagkantidad og gibana-banang P1.2 milyon gihimo gikan sa high-density polyethylene (HDPE) ug gidisenyo alang sa deep-sea farming.
- Lakip niini ang mga punla, nursery framing, floating system, pukot, ug mga kagamitan sa pagpauga ug pagputos.
- Gipatuman ang maong proyekto samtang tumong sa Pilipinas nga mabawi ang panguna nga posisyon sa industriya, diin anaa kini karon sa ikaupat nga pwesto sa tibuok kalibotan human kini nalabwan sa Indonesia ug nakigkompetensiya sa China sa produksiyon sa hilaw nga seaweed.
- Bisan pa niini, nagpabiling lig-on ang Pilipinas sa pagproseso sa carrageenan, usa ka importanteng sangkap nga gigamit isip pampalapot ug pampalig-on sa nagkalainlaing produkto.
- Tumong sa DA-BFAR nga mapataas ang produksiyon og duha ka porsiyento matag tuig hangtod sa 2026.
