Miulbo ang lain na usab nga dakong kalayo sa San Nicolas, Dumalag I, Barangay Matina Aplaya, Davao City, alas-4:10 sa kaadlawon karong Oktubre 25, 2026, ug miabot sa ikaduhang alarma (second alarm) ang sunog.
Base sa inisyal nga impormasyon, mikabat sa 47 ka pamilya o 144 ka indibidwal ang naapektuhan sa maong insidente. Gideklarang fire out ang sunog alas-6:43 sa buntag, apan makita gihapon ang nahibiling kadaot sa lugar human sa insidente.
Padayon pa ang validation sa City Social Welfare and Development Office (CSWDO) aron matino ang eksaktong gidaghanon sa mga balay nga nadaot ug masuta ang kahimtang sa mga pamilyang naapektuhan.
Samtang, giandam na ang Shanghai Gym isip evacuation site alang sa mga residente nga nanginahanglan og temporaryong kapuy-an. Gihulat pa ang dugang nga detalye kalabot sa kinatibuk-ang kadaot ug sa mga panginahanglan sa mga apektadong pamilya.
