Misadmasad pa sa bag-ong all-time low ang bili sa piso human kini misira sa ₱63.361 batok sa US dollar sa pagtapos sa trading kaniadtong Miyerkules, Oktubre 21, 2026.
Nalabwan niini ang miaging record low nga ₱62.09 nga natala kaniadtong Lunes ug Martes, Oktubre 19 ug 20.
Sa intraday trading, miabot pa sa ₱63.373 ang exchange rate sa peso batok dolyar sa wala pa ang opisyal nga pagsira sa merkado.
Kini na ang ika-29 nga higayon karong tuiga nga nakarekord ang piso og bag-ong all-time low batok sa dolyar.
Gilauman nga adunay epekto ang padayon nga paghuyang sa peso sa presyo sa mga imported nga produkto, tungod kay mas daghang peso ang gikinahanglan aron makapalit og mga produkto gikan sa gawas sa Pilipinas.
Sa laing bahin, mahimong makabenepisyo ang mga pamilya nga nagdawat og dollar remittances gikan sa Estados Unidos, tungod kay mas daghang peso ang mahimong katugbang sa ilang madawat nga dolyar.
