Nagpasalamat si Pope Leo XIV sa mga Katolikong nagpadayon sa pag-ampo alang sa iyang pagkaayo, sa una niyang mensahe human sa operasyon may kalabotan sa kanser sa baga.
Sa mensaheng gipadala ngadto sa mga partisipante sa symposium nga nagtimaan sa ika-10 anibersaryo sa Amoris Laetitia, gihangyo sa Santo Papa nga ipadayon ang pag-ampo alang kaniya. Misaad usab siya nga iampo niya ang mga partisipante.
Gipasalamatan usab sa Santo Papa ang ilang mga pag-ampo, ingon man ang pagpaambit sa mga kasinatian ug pagpaminaw sa usag usa, nga iyang giila nga importanteng gasa alang sa Simbahan.
Subay sa gihatag nga impormasyon, miagi si Pope Leo sa operasyon sa Gemelli Hospital sa Rome, Italy, diin gikuha sa mga doktor ang ubos nga bahin sa iyang tuo nga baga human makumpirma ang lung adenocarcinoma, usa ka matang sa kanser sa baga.
Gilauman sa iyang mga doktor nga maayo ang pagkaayo sa 71-anyos nga Santo Papa. Nakalakaw na usab siya sulod sa iyang kuwarto sa ospital samtang nagpadayon ang iyang recovery.
Samtang, gikanselar sa Vatican ang iyang mga pampublikong kalihokan hangtod Oktubre 20 aron mahatagan siya og panahon sa pagpahulay ug pag-ayo.
