Gisugdan na sa gobyerno sa Malaysia ang pagpauli sa kapin 5,000 ka asylum seekers gikan sa Myanmar ubos sa kontrobersyal nga kasabutan tali sa Kuala Lumpur ug sa military ruler sa Myanmar nga si Min Aung Hlaing.
Mibiya na ang tulo ka barko sa Myanmar Navy padulong sa Malaysia nga sakay ang 1,476 ka returnees isip unang bahin sa repatriation.
Gikonsiderar sa Malaysia nga boluntaryo ang pagpauli sa mga asylum seekers, apan gipugngan ang United Nations refugee agency sa pag-assess sa mga returnees human sila ma-detain.
Sumala ni Malaysian Prime Minister Anwar Ibrahim nga napugos ang ilang gobyerno sa pakigsabot sa Myanmar tungod sa nagkadaghan nga Muslim Rohingya population sa Malaysia.
Dugay nang nag-atubang og krisis ang Rohingya community human daghang mga miyembro niini mipalayo gikan sa Myanmar tungod sa military operations batok kanila.
Ang mga askyong militar sa Myanmar batok sa Rohingya , giklasipikar sa United Nations kaniadto isip genocide, samtang nagpadayon ang pag-atubang sa komunidad sa mga isyu sa seguridad ug humanitarian protection.
Kasamtangang gina-monitor sa mga humanitarian groups ang maong repatriation tungod sa panginahanglan nga masiguro ang kaluwasan sa mga ibalik ngadto sa Myanmar.
Padayon usab ang mga paningkamot sa internasyonal nga komunidad sa paghatag og proteksyon sa mga Rohingya ug uban pang mga tawo nga nanginahanglan og asylum.
