Gisaulog sa Davao City Central 911 ang ika-24 nga anibersaryo niini human kini gilunsad niadtong Septiyembre 27, 2002 niadtong panahona nga Davao City Mayor Rodrigo R. Duterte.
Gimugna ang Central 911 isip unang emergency response system sa Pilipinas nga naghatag og libre ug 24/7 nga serbisyo alang sa mga medical emergencies, sunog, search-and-rescue operations ug uban pang mga sitwasyon nga nagkinahanglan og dinaliang tabang.
Nagpadayon sulod sa 24 ka tuig ang serbisyo isip usa sa mga importanteng emergency lifeline sa mga Dabawenyo pinaagi sa sayon hinumdoman nga tulo ka digit nga numero nga 911.
Nidako usab ang kapasidad sa Central 911 pinaagi sa mga specialized units nga nagdumala sa emergency call handling ug dispatch, medical response, urban search and rescue, ug fire auxiliary services.
Nagserbisyo adlaw ug gabii ang mga personnel sa Central 911 aron motubag sa mga tawag sa emerhensya ug mahatagan dayon og tukmang tabang ang mga nanginahanglan.
Gipasidunggan usab ang dedikadong mga lalaki ug babaye nga nagpadayon sa ilang katungdanan isip emergency responders sa syudad, ilabina sa mga higayon nga gikinahanglan ang paspas nga pagresponde.
Gipakita sa ika-24 nga anibersaryo ang padayong papel sa Central 911 sa paghatag og emergency assistance sa mga Dabawenyo ug sa pagpalig-on sa serbisyo publiko sa Davao City.
