Gidasig sa Department of Agriculture-Davao Region o DA-XI ang mga rice farmers sa mga lugar nga bulnerable sa El Niño nga maghunahuna sa pagbalhin og tanom samtang gilauman ang pagkusog sa maong weather phenomenon sa Disyembre 2026 ug Enero 2027.
Gipasidan-an ni DA-XI agriculturist Joedel Leliza nga mahimong mas maapektuhan ang mga rice farm nga nagsalig sa ulan, ilabina sa reproductive stage sa tanom diin labing taas ang panginahanglan niini sa tubig.
Gibutyag ni Leliza nga mokabat sa 70 porsyento sa kinatibuk-ang water requirement sa rice crop ang gikinahanglan atol niini nga kritikal nga yugto.
Nakadugang na usab ang mga apektadong mag-uuma sa rehiyon ngadto sa 4,447 human ma-activate ang El Niño niadtong Agosto, gikan sa 2,027 sa wala pa kini ma-deklarar.
Narekord usab ang 4,790.65 hectares nga nadaot nga agricultural areas ug gibanabanang P444 milyon nga crop losses, diin apil ang humay sa pinakadaot.
Gidasig sa DA-XI ang mga mag-uuma sa drought-tolerant crops sama sa legumes ug watermelon aron mamenosan ang risgo sa water shortage.
Gipahibalo usab sa ahensya nga adunay Quick Response Fund alang sa seedlings ug fertilizers, samtang ipatuman ang climate-smart agriculture training.
Gipangandaman sa DA-XI ang El Niño Action Plan nga adunay P729 milyon nga budget, lakip ang P50 milyon nga buffer stock alang sa rice seeds, lowland vegetables ug uban pang crop seeds.
