Mibalik na sa track ang peace process sa Bangsamoro human sa pag-angkon sa Government of the Philippine (GPH) ug Moro Islamic Liberation Front (MILF) sa mga misunod nga lakang sa pagpatuman sa Comprehensive Agreement on the Bangsamoro (CAB).
Sa special meeting sa mga peace implementing panel sa Kuala Lumpur, Malaysia, giaprubahan ang terms of reference sa technical working group nga mohimo og roadmap alang sa nahibiling probisyon sa CAB.
Nahimo kini human sa unang parliamentary elections sa Bangsamoro kaniadtong Septiyembre 14, 2026 ug unom ka bulan human gipahunong sa MILF ang ilang pakiglambigit sa gobyerno kalabot sa pagpatuman sa kasabotan.
Gipalawig usab hangtod Septiyembre 25, 2027 ang mandato sa Ad Hoc Joint Action Group, samtang hangtod Septiyembre 25, 2028 ang Civilian Protection Component.
Alang sa security, gisugyot usab ang GPH-MILF framework alang sa pagdumala sa small arms and light weapons, nga maglakip sa pagbungkag sa private armed groups ug decommissioning sa mga combatant.
Giduso usab ang mga lakang sa transitional justice ug reconciliation, lakip ang pagpalambo sa mga balaodnon alang sa National Transitional Justice and Reconciliation Commission for the Bangsamoro ug pagpadali sa socioeconomic assistance alang sa mga decommissioned combatant.
