Gipadayag sa House prosecution panel nga ginatun-an nila ang posibilidad nga ipatawag isip hostile witness si Atty. Manases “Mans” Carpio, bana ni Vice President Sara Duterte, sa impeachment trial sa Bise Presidente.
Matod ni House Prosecutor Rep. Terry Ridon, mahimong relevant ang testimonya ni Carpio sa Article II nga naghisgot sa alegasyon sa unexplained wealth, ilabi na kung mogawas ang iyang ngalan sa mga bank account o dokumentong may kalabotan sa kaso.
Hinuon wala pa si Carpio sa kasamtangang listahan sa mga testigo ug sayo pa nga yugto sa diskusyon sa prosecution panel ang posibilidad sa pagpatestigo kaniya.
Samtang, lakip sa unang tulo ka testigo alang sa Article II si retired Sandiganbayan Presiding Justice Amparo Cabotaje-Tang, Ombudsman Records Division OIC Atty. Karen Batu, ug Securities and Exchange Commission official Atty. Gerardo del Rosario.
Magsugod sa Septiyembre 14, 2026 ang presentasyon sa prosecution sa ebidensya alang sa Article II.
Kini magpunting sa giingong unexplained wealth, lakip ang bank, tax, corporate ug uban pang financial records nga adunay kalabotan kang VP Sara ug sa iyang bana.
Sa pagkakaron, wala pa’y final decision sa pagpatestigo kang Carpio samtang ginahulat pa ang sunod nga mga lakang mahitungod sa impeachment proceedings.
