Gi-abswelto sa Supreme Court si kanhing First Lady Imelda Marcos sa pito ka counts sa graft human gibali ang 2018 conviction sa Sandiganbayan.
Sa desisyon sa First Division, giingon sa Korte Suprema nga napakyas ang prosecution sa pagpakita sa iyang sala beyond reasonable doubt tungod kay ang importanteng testimonya ug documentary evidence giisip nga inadmissible ug kulang sa probative weight.
Ang kaso adunay kalabotan sa giingong paggamit nila ni kanhing Presidente Ferdinand Marcos Sr. og mga Swiss foundations aron pagtipig ug pagbalhin og kapin $200 milyon sa gawas sa nasud.
Gipunting sa korte nga wala igo mapamatud-an sa prosecution nga ang maong mga foundations sakop sa negosyo nga gitumong sa Section 3(h) sa Anti-Graft and Corrupt Practices Act.
Wala usab na-authenticate ang mga Swiss documents nga gigamit isip ebidensya.
Tungod niini, gibasura sa Supreme Court ang desisyon sa Sandiganbayan nga kaniadto nagpahamtang kang Marcos og prison term nga mahimong moabot sa 77 ka tuig.
Pasiugda sa korte nga ang public interest dili mahimong mopuli sa gikinahanglang evidentiary standards sa criminal proceedings.
