Mibalik sa “Fair” category ang air quality sa Davao City base sa pinakabag-ong monitoring sa Department of Environment and Natural Resources–Environmental Management Bureau Region XI o DENR-EMB XI.
Sa Calinan Air Monitoring Station, parehong nakarekord og “Fair” nga air quality ang PM10 ug PM2.5.
Apan namatikdan sa DENR-EMB XI ang pagsaka sa PM2.5 concentrations atol sa monitoring period, nga posibleng nalambigit sa nagpadayong transboundary haze gikan sa Indonesia.
Kahinumduman nga miabot sa “Unhealthy” category ang PM2.5 readings sa Davao City sa miaging mga adlaw tungod sa mas taas nga konsentrasyon sa gagmay nga partikulo sa hangin.
Matod sa ahensya, lahi kini sa kasagarang trend sa Calinan Station nga kasagaran nagpakita og “Fair” air quality.
Bisan pa sa pagbalik sa mas maayong air quality, padayon gihapon ang monitoring sa DENR-EMB XI tungod kay mahimong mausab ang kahimtang depende sa direksyon sa hangin ug sa transboundary haze.
Giawhag gihapon ang publiko, ilabina ang sensitive groups, nga magmatngon ug mosubay sa official air quality updates.| VIA BOMBO EROS PAJOTA
